இ.நிவேதா
திருமணப் பொருத்தங்களில் ஒன்றான `யோனிப் பொருத்தம்' பற்றி கட்டாயம் பேச வேண்டியிருக்கிறது. இந்தப் பொருத்தத்தில், ஆண் - பெண் பாலுறுப்புகளை, விலங்குகளின் பாலுறுப்புகளோடு பொருத்திப் பார்ப்பார்கள்.
திருமண பந்தத்தில் நுழையவிருக்கிற ஆணுக்கும் பெண்ணுக்கும் பாலுறுப்புகள் `சமரத'மாக, அதாவது பொருத்தமாக இருக்க வேண்டும் என்கிறது காமசூத்ரம்.
வாத்ஸாயனரின் வார்த்தைகளிலேயே சொல்ல வேண்டுமென்றால், தாம்பத்ய உறவின்போது, புணர்ச்சி உறுப்புகள் ஒன்றுடன் ஒன்று இறுக்கமாக இருக்க வேண்டும்.
அதற்குக் கணவன், மனைவி புணர்ச்சி உறுப்புகளின் அகல, நீள மற்றும் ஆழ அளவுகள் பொருத்தமாக இருக்க வேண்டும். உதாரணமாக, மனைவியின் புணர்ச்சி உறுப்பின் ஆழத்துக்கு ஏற்ப கணவனின் புணர்ச்சி உறுப்பின் நீளம் இருக்க வேண்டும்.
அப்படியில்லாதபோது இருவருக்குமே தாம்பத்ய உறவில் திருப்தி கிடைக்காது. இந்த விஷயத்தைதான் `யோனிப்பொருத்தம்' மூலம் கண்டறிவதாக காமசூத்ரா சொல்கிறது.
இதுபற்றி மனநல மருத்துவர் ஷாலினி பேசும்போது, கல்யாணம் செஞ்சுக்கப்போற ஆணுக்கும் பெண்ணுக்கும் செக்ஸுவலி கெமிஸ்ட்ரி நல்லா இருக்குமான்னு தெரிஞ்சுக்கிறதுதான் யோனிப் பொருத்தம்.
ஆணோ, பெண்ணோ சிலருக்கு தாம்பத்ய உறவில் ஆர்வம் அதிகமிருக்கும்; சிலருக்கு குறைவா இருக்கும். இதை தெரிஞ்சுக்கிட்டு, யாருடன் யாரை சேர்க்கணும்கிறதை கண்டுபிடிக்கிற ஒரு வழியாதான் நான் யோனிப் பொருத்தத்தைப் பார்க்கிறேன்.
இது திருமணத்துக்கு மிக மிக தேவைங்கிறதுதான் என்னோட கருத்தும். ஆனா, இதை சம்பந்தப்பட்டவங்களுடைய இயல்பை வெச்சுதான் கண்டுபிடிக்க முடியும்.
திருமணத்துக்குப் பிறகு குத்துமதிப்பா செக்ஸ் பண்ணிட்டோ, அல்லது, எனக்கு மட்டும் உச்சகட்டம் கிடைச்சா போதும்னோ ஆண் இருந்தா, பெண் நிலைமை கஷ்டம்தான்.
பரஸ்பரம் உருவம் பிடிச்சிருக்கணும்; குணம் பிடிச்சிருக்கணும். 'இவனோட/இவளோட ஒரே அறையை பகிர்ந்துக்க எனக்குப் பிடிச்சிருக்கு'னு மனசு சொல்லணும். அதுக்காக மனசு கொஞ்சம் ஏங்கவும் செய்யணும். அதுதான் கெமிஸ்ட்ரி.
முக்கியமா, பரஸ்பரம் உடல்களைப் பகிர்ந்துக்கிறதை பத்தி யோசிக்கிறப்போ, 'இவன்கூடவா/இவகூடவா...'னு அருவருப்பு வரவே கூடாது. அப்படி வந்தா, ரெண்டு பேருக்கு நடுவுல யோனிப்பொருத்தம் இல்ல. அதாவது, கெமிஸ்ட்ரி இல்லைன்னு அர்த்தம்'' என்கிறார்.